Friday, April 24, 2009

KRAGBRON

Die wêreld waarin ons leef, beweeg so vinnig dat ons amper nie kan byhou nie. Die hedendaagse lewe eis so baie van ons en daardie eise word by die dag sterker. Luister maar na die mense om jou, almal kla hulle is moeg en sat. Sommige mense bedank hulle veeleisende werke en pak op in die stad en trek na iewers op die platteland om hulle dae in rustigheid te slyt. Hulle kon doodeenvoudig net nie die druk langer hanteer nie.

Sou dit die antwoord wees om alles op te pak? Vir party mense is dit seker die antwoord, maar wat van die kinders van die Here? Hulle is net so onderhewig aan die druk en vind dit net so moeilik om dit te hanteer. Hulle wêreld val ook maar soms uit mekaar en dan verloor hulle perspektief.

Tydens Jesus se wandeling hier op aarde, het Hy ook maar tye beleef dat die samedromming van die skare om Hom, so erg was dat hy 'n wegbreek kans nodig gehad het. Jesus het hom dan afgesonder en eenkant gaan stil word voor Sy Vader. Daar het Hy weer krag geput sodat Hy kon aangaan om Sy taak hier op aarde te volvoer. Dink maar hoe Hy Hom gaan afsonder het die nag in die tuin van Getsemane, die nag toe Hy in hegtenis geneem is. Daar het Hy krag gekry vir dit wat voor Hom gelê het.

Is dit nie wat ons ook moet doen nie? Gaan stil word voor ons hemelse Vader, ons gaan inprop by die Kragbron van die lewe nie? Hy sal ons die krag gee om aan te gaan, ons moet Hom net vertrou, al ons vertroue op Hom plaas en ons lewe sonder terughouding aan Hom oor te gee.
Ons moet teogewyd wees en daagliks Sy aangesig opsoek, daagliks inprop by die Kragbron sodat ons batterye gelaai kan word, daarsonder sal ons in ons lewens op 'n ramp afstuur. Kom ons wend opnuut 'n poging aan om daagliks ons stiltetye by die Here te onderhou. As ons, ons dag met stiltetyd begin, dan kan daardie dag nie 'n flop wees nie!

2 comments:

Anonymous said...

Elke inskrywing van hierdie week was so 100% op my lewe van toepassing! Baie dankie!
Thereza
Derdepoort
Pretoria

Anonymous said...

Very inspiring- found your blog through South-Africa under profiles- I see you are also a fan of photography- you should check out my site on my profile [http://addictive-photography.blogspot.com]