BELOFTES

Daar is ongelooflik baie beloftes in die Woord van die Here, hierdie beloftes is gegee aan 'n spesifieke persoon onder spesifieke omstandighede. Wanneer ons dan deur die woord lees dan sien ons die woorde wat die beloftes omskryf en ons verstaan dat dit aan iemand gegee is. Baie keer is hierdie beloftes op ons van toepassing maar ons herken dit nie as sulks nie. Die rede hiervoor ia dat in die meeste gevalle wanneer ons in die Bybel lees verstaan ons nie wat ons lees nie. Ons volg 'n verhaal of storie in die Bybel maar as dit kom by gedeeltes wat nie in verhaal vorm is nie, dan lees ons maar net en in die meeste gevalle maak dit nie eintlik vir ons sin nie.

Ons wil 'n hele hoofstuk lees, want ons voel ons moet dit doen, maar iewers raak ons verdwaald tussen die woorde en maak alles nie vir ons sin nie. Dit is tog so verkeerd. Ons moet eintlik net die maksimum van so 5 versies lees en dit dan behoorlik deurdink ipv om die hele hoofstuk te lees wat op die einde totaal by ons verby gaan. Vir ons self vrae daar rondom vra, soos bv. Wat staan hier geskryf? (As jy nie verstaan het nie, lees dit weer deur.)Wat beteken dit wat hier geskryf staan?Hoe is die paar verse op my van toepassing?
As ons daagliks so ons stukkie lees en dit regtig oordink ipv 'n elle lange onverstaanbare stuk, sal ons 'n groter begrip van die Woord kry.
Dan sal ons ook baie van daardie beloftes ons eie kan maak! Wat 'n wonderlike ding is 'n belofte van die Here. Ons lewe daardie belofte en ons bestudeer dit en sien uit na die dag wat die Here daardie belofte gaan waarmaak. Wanneer Hy dit waarmaak dan is dit tyd om hom te loof en te prys en aan almal te vertel van die wonder wat God in jou lewe gedoen het.Dan besef mens ook dat die tyd van wonderwerke nog nie verby is nie, nee dan weet ons ons staan te midde van wonderwerke.