Net vir jou
'n Spesiale versameling besielende verse deur Helen Steiner Rice is seker die beste part van 35 jaar in ons besit. Met die her-lees van die gedig- In Tye Soos Die het vir my so gepas gelyk vir die toestande van vandag en ek het gevoel ek wil dit met julle deel. Daar is ook 'n paar ander wat ek met julle wil deel.
Ons luister na die radio
En lees die voorbladnuus.
Ons skud die hoof in wanhoop
En sit ons en verknies;
Ons is bang en ontevrede
Met geen sekuriteit;
Daar is 'n vae onrus
Oor al die twis en stryd.
Die eeu waarin ons lewe.
Is swanger van gevaar -
Daar's daagliks maar gerugte
Wat die gemoed beswaar.
En voor ons lê die toekoms
met weë onbekend -
Geen plek van rus of stilte
Waarheen ons ons kan wend.
Waar kry ons tog gemoedsrus
En vrede en plesier.
As tweedrag en verdeeldheid
Gedurig hoogty vier?
Hoe kan ons die probleme
Van haat en nyd oorbrug?
Waar is die veilige hawe
Waarheen om te ontvlug?
As voorbladnuus en flitse
Ons hartsgeluk vertsteur
Neem liewer dan die Bybel
En kyk wat dit ons leer.
En ons sal sien in hierdie eeu
En eeue lank verby:
Was God in krisisure
Altyd met hulp naby.
Vir die wat op die Here
Vertrou vir hulp en raad
Is Hy die Albeskermer,
'n Hulp en Toeverlaat.
En kom daar dan probleme
Ver bokant ons verstand,
Berus; die dag van môre
Is veilig in Sy hand.
En wetend dat die Skepper
Ons nooit alleen laat staan
Maar dat Hy in Alwysheid
Ons laste kan verstaan.
Bring stilte en gemoedsrus
As kommer ons verniel,
En elke las word ligter
As ons aanbiddend kniel.
No comments:
Post a Comment