HEMELVAART

Reeds 'n klompie jare gelede is hierdie baie belangrike dag vir die Christen van die kalender verwyder. Deur dit af te haal het die wêreld gedink dat hy 'n streep daardeur getrek het, deur dit nie langer 'n vakansiedag te maak nie, sal dit wel metertyd in die vergetelheid raak.

Haleluja, vandag is 'n feesdag vir die kind van God wanneer ons die Hemelvaart van ons Here Jesus Christus herdenk. Jesus is gebore, gekruisig en het opgestaan uit die dode. Dit is noodwendig dat Hy moet terugkeer na waar Hy vandaan kom, terug na Sy hemelse woonplek, waar Hy sit aan die regterkant van die Vader. Jesus moes die aarde verlaat en opgeneem word in die hemel sodat Hy Sy Heilige Gees oor die aarde kon uitstort om by en in ons te kan woon.
Lukas 24:49-53
"My Vader het ook nog 'n baie Groot Geskenk vir julle. Ek gaan hierdie Geskenk binnekort na julle toe stuur. Wag nog net so 'n klein rukkie hier in Jerusalem. Een van die dae gaan julle met baie groot krag direk uit die hemel toegerus word.
'n Rukkie later het Jesus Sy apostels na Betanië toe gevat. Daar het Hy Sy hande oor hulle uitgestrek en God se seën oor hulle afgebid. Terwyl Hy nog besig was om hulle te seën, het hy na die hemel toe vertrek.(is Hy van hulle geskei en is in die hemel opgeneem)Die apostels het op hulle knieë neergeval en Jesus aanbid terwyl Hy van hulle af weggaan. Daarna het hulle na Jerusalem toe teruggestap. Hulle was baie opgewonde oor alles wat hulle gesien en beleef het.
In Jerusalem het hulle elke dag na die tempel toe gegtaan om God te dien en te eer.

Terwyl Sy dissipels nog stip na die hemel kyk, het daar skielik twee manne in wit klere aan hulle verskyn en vir hulle gesê:"Hierdie Jesus wat van julle opgeneem is in die hemel, sal net so kom soos julle Hom na die hemel sien wegvaar het. Wat 'n wonderlike vooruitsig het ons nie, om die hoop in ons harte te koester, dat ons Jesus so sal sien terugkom na die aarde om Sy bruid te kom haal!

Is jy gereed om die Bruidegom te ontmoed? Is daar genoeg olie in jou lampie? Jy is die enigste een wat daarvoor kan sorg.
Manne jy is die koning en priester van jou huis. Het jy al jou huisgesin voorberei om gereed te wees om die Bruidegom te ontmoed?
Dit is jou opdrag as man. Voer dit uit!
Die opdrag aan Sy dissipels en dus ook aan ons, wat Sy kinders is, is baie duidelik dat ons aan andere moet vertel van Jesus